शुक्रबार, १२ साउन २०८०, धनुषा । धार्मिक स्थलमा अश्लील टिकटक भिडियो बनाउने कार्यमा संलग्न एक युवकलाई प्रहरीले पक्राउ गरेको छ । जानकी मन्दिरको विवाह मण्डपभित्र अश्लील हर्कत देखाई टिकटक बनाउने कार्यमा संलग्न १८ वर्षका अनिरूद्र यादवलाई धनुषा प्रहरीले पक्राउ गरेको हो ।
सो भिडियो सामाजिक सञ्जालमा भाइरल भएपश्चात् प्रहरीले धनुषा औरही गाउँपालिका ६ पोखरभिण्डाका ती युवकलाई पक्राउ गरेको हो ।
अनिरूद्रमाथि थप अनुसन्धान कार्य भइरहेको र टिकटकमा देखिएकी महिला र भिडियो खिच्ने व्यक्तिहरू समेतको खोज तलास भइरहेको धनुषा प्रहरीले जनाएको छ ।
