राजन श्रीवस्तव । रौतहट, १ फाल्गुन । नेकपा (एमाले) रौतहटको अध्यक्षमा सचिदान्द साह निर्वाचित भएका छन । एमाले रौतहटको दशौं जिल्ला अधिवेशनमा साह १९३ मत ल्याइ बिजयी भएका हुन । अध्यक्ष पदमा उम्मेद्वार अखिलेश्वर चौधरीले १७४ मत पाएका छन । उपाध्यक्ष पदका लागि रुपेश कुमार पटेल १३६ मतले बिजयी भएका छन भने उपेन्द्र राय यादव ३१ मत, सुरेश कुमार राय यादव ८९ मत, मणिलाल सहनी ४४ मत , चन्दन कुमार कुश्वाह ३७ मत ,राम आशिष साहले १२ मत पाएका छन । यस्तै जिल्ला सचिव पदमा बाबुराम दाहालले २०२ मत पाई बिजयी भएका छन । उनका प्रतिस्पर्धी शिव प्रसाद आचार्यले १४७ मत पाएका छन । उप सचिवमा अवधेश कुमार यादव १२९ मत ल्याइ बिजयी भएका छन । माघ २५ गते एमालेका अध्ययक्ष केपि शर्मा ओलीले उद्घाटन गरेको १० औं जिल्ला अधिबेशनमा सहमती नजुटे पछि सोमबार मतदान भएको निर्वाचन अधिकृत बालबिक्रम कार्कीले जानकारी दिएका छन ।
