रौतहट, २० गते भदौ । जिल्ला निर्वाचन कार्यालय गौर रौतहट तथा बौधिमाई नगरपालिकाका लेखापाल अरविन्द कुमार यादव निजामती सेवा सम्मान २०८० बाट सम्मानित भएका छन । निजामती सेवामा प्रवेश गरेदेखी उत्कृष्ट कार्य गरेको भन्दै उनले गरेको उत्कृष्ट कार्यको उच्च मूल्याकंन गर्दै चन्द्रलोक प्रतिस्ठानले लेखापाल यादवलाई निजामती सेवा सम्मान बाट सम्मानित गरेको हो ।
निजामती सेवा दिवस २०८० को अवसर पारेर काठमाडौंमा आयोजित एक समारोहका बिच लेखापाल यादवलाई प्रतिस्ठानले समान गरेको हो । कार्यक्रमका प्रमुख अतिथि संघीय मामिला तथा सामान्य प्रशासन मन्त्री अनिता देवी साहले लेखापाल यादवलाई निजामती सेवा सम्मान-२०८० प्रदान गरेका हुन । नेपाल सरकारको निजामती कर्मचारी प्रशासनको माध्यामबाट देशको विकाश र नेपाली नागरिकहरु प्रति समर्पित रहि आफ्नो सेवाकालमा यस्तै पवित्र र उत्कृष्ट कार्यहरुको गर्दै जान मन्त्री साहले यादवलाई सुझाब दिएकी छन । कार्यक्रममा पूर्व संघीय मामिला तथा सामान्य प्रशासन मन्त्री अमनलाल मोदी, नेपाल सरकारका पूर्व सचिव, बरिस्ठ साहित्यकार तथा पूर्वमन्त्री शंकरप्रसाद कोइराला लगायत ब्यक्तिको सहभगिता रहेको थियो । २०४७ साल भाद्र १६ गते बुवा रामविलाश राय यादव र माता शैल कुमारीको कोखबाट रौतहट जिल्लाको बौधीमाई नगरपालिका वडा नं १ अजगैबी टोलमा जन्मेका यादव २०७३ साल पुष १ गते देखि सह-लेखापालबाट निजामती सेवामा प्रवेश गरेका थिए । नेपाल सरकारको विभिन्न निकायहरुमा कार्यरत रहेर सेवा गर्दै हाल जिल्ला निर्वाचन कार्यालय गौर रौतहटमा लेखापाल पदको जिम्मेवारीमा रहेर यादवले पारदर्शी रुपमा नेपाली नागरिक र सरोकारवाला सेवाग्राहीहरुलाई मन, बचन र कर्मले निरन्तर सेवा प्रदान गर्दै आएका छन ।
